影片
更多
2024-05-17
117 浏览
阿妹生日，拣咗呢间食晚饭，之前光顾咗几次印象都好好，今次更加印象深刻首先点咗个例牌片皮鸭🦆加酸菜鱼🐟二人份，辣度同酸度都可以拣，碟头好大，酸菜食落味道啱啱好唔会太酸，份量真系好多食极都有😆鱼肉都好多，冇乜骨之余又唔腥，有鲜味又滑嫩真系好正！片皮鸭鸭皮好脆，加埋个酱入口即溶大满足，超正！三个人食，每人都有三、四块饼皮分到，略嫌配菜如青瓜丝同葱丝少咗啲，再加多少少就完美了。套餐仲有一碟鸭架同土豆丝。土豆丝爽口清凉，可以当冷面咁食；个鸭架冇乜肉，但整咗麻辣口味，喜欢损骨的绝对会好钟意！当晚惠顾满$300仲送个小菜，星期四系送猪手，估唔到咁大碟卖相又靓，真系按menu 原价$98咁送，好惊喜！虽然红卜卜但唔算辣，食唔到太辣嘅阿妹都应付到仲食咗几旧。我地仲叫咗碟炝炒手撕莲白菜，出奇地入味，可以话系成枱肉以外嘅一股清泉！Good！👍生日饭唔少得有蛋糕🎂，之前已问咗切饼费收$50。职员都好体贴，执干净晒张枱咁送上蛋糕同餐具，但最惊喜系我地食食吓蛋糕仲送个甜品🤩，睇餐牌卖$68的呢客彩虹乌龙冰粉卖相一流，底下嘅冰粉好浓香茉莉茶/乌龙茶香味，十分清新！总括而言今晚晚饭体验非常好，食物味道、环境同服务都好
首先点咗个例牌片皮鸭🦆加酸菜鱼🐟二人份，辣度同酸度都可以拣，碟头好大，酸菜食落味道啱啱好唔会太酸，份量真系好多食极都有😆鱼肉都好多，冇乜骨之余又唔腥，有鲜味又滑嫩真系好正！
片皮鸭鸭皮好脆，加埋个酱入口即溶大满足，超正！三个人食，每人都有三、四块饼皮分到，略嫌配菜如青瓜丝同葱丝少咗啲，再加多少少就完美了。
套餐仲有一碟鸭架同土豆丝。土豆丝爽口清凉，可以当冷面咁食；个鸭架冇乜肉，但整咗麻辣口味，喜欢损骨的绝对会好钟意！
当晚惠顾满$300仲送个小菜，星期四系送猪手，估唔到咁大碟卖相又靓，真系按menu 原价$98咁送，好惊喜！虽然红卜卜但唔算辣，食唔到太辣嘅阿妹都应付到仲食咗几旧。
我地仲叫咗碟炝炒手撕莲白菜，出奇地入味，可以话系成枱肉以外嘅一股清泉！Good！👍
生日饭唔少得有蛋糕🎂，之前已问咗切饼费收$50。职员都好体贴，执干净晒张枱咁送上蛋糕同餐具，但最惊喜系我地食食吓蛋糕仲送个甜品🤩，睇餐牌卖$68的呢客彩虹乌龙冰粉卖相一流，底下嘅冰粉好浓香茉莉茶/乌龙茶香味，十分清新！
总括而言今晚晚饭体验非常好，食物味道、环境同服务都好正，绝对会再帮衬呀🥰
片皮鸭酸菜鱼餐
3 浏览
0 赞好
0 留言
麻辣猪手
0 浏览
0 赞好
0 留言
彩虹乌龙冰粉
0 浏览
0 赞好
0 留言
张贴
