豚道樂 (百合苑商場) (已結業)

咁岩去开黄埔，见到呢间拉面店好似几好食，一于就入去试吓啦。见到鲷蚬白汤拉面系期间限定款式就即刻order呢款。基本上拣鲷蚬白汤拉面嘅话，餐厅已经set好咗边只面，只系拣要唔要葱同要唔要辣酱就OK。食拉面最紧要就系汤底，汤头非常浓郁，但又唔会话好油，一入口就食到鲷鱼同埋蚬嘅鲜甜味，令人想一啖接一啖饮晒啲汤。面嘅质地都啱啱好，唔会话好稔或者好硬。辣酱都好香，又唔算太辣。怕辣嘅朋友仲可以叫佢另上添。叉烧偏瘦，唔啱钟意食肥叉嘅朋友。溏心蛋都好香蛋味，但我觉得太过流心，冇𠮶种浆口嘅感觉。好想再嚟试吓其他款式嘅拉面呢！