影片
更多
2024-09-03
121 浏览
到底系乜嘢令到一间位置一般嘅台湾餐厅，平日八点几都仲全院满坐？“日月堂”喺观塘兴业街唔算起眼嘅工厂大厦之中，有间台湾餐厅非常热闹，连店内都企满排队嘅人。一打开餐牌，几十蚊嘅主食、三四十蚊嘅小食、廿几蚊嘅嘢饮，兼免加一，彷佛返到十年前嘅一样。当然，平冇用嘅，质素先重要。牛三宝面 (牛腱肉/牛筋/牛肋条) $80 - 好大碗面！用料充足，手腱肉大到食两块都饱饱地，牛筋好大条，牛肋条实净爽口，浸埋汤非常入味。讲开汤，非常浓，好有牛肉香，好spicy好够咸香，似乎并冇刻意迁就本地人口味，而尽量做得地道。红烧猪脚拌面 $60 - 猪脚皮好大块，食落好满足。但佢最大嘅亮点系个拌面，葱油香蒜香满布，面条烟靭有实感，食完会觉得好满足。个人觉得最抵叫系佢。玉米起司蛋卷饼 $38 - 有粟米同芝士坐镇，基本上好难唔好食。现实上甜咸兼备，唔会好干，最重要系够热，亦都系非常抵食嘅小食。酥炸鱿鱼 $48 - 外型唔算特别嘅酥炸鱿鱼，贵重之处系佢啲粉唔会散开，基本上系完全黐实喺啲鱿鱼上面。更重要嘅系啲炸粉唔会湿粒粒，亦好干身，冇乜油渗出嚟。另外叫咗两杯嘢饮 - 冻黑糖珍珠鲜奶 $34 同 冻仙草奶茶 $28，都系
“日月堂”
喺观塘兴业街唔算起眼嘅工厂大厦之中，有间台湾餐厅非常热闹，连店内都企满排队嘅人。一打开餐牌，几十蚊嘅主食、三四十蚊嘅小食、廿几蚊嘅嘢饮，兼免加一，彷佛返到十年前嘅一样。当然，平冇用嘅，质素先重要。
牛三宝面 (牛腱肉/牛筋/牛肋条) $80 - 好大碗面！用料充足，手腱肉大到食两块都饱饱地，牛筋好大条，牛肋条实净爽口，浸埋汤非常入味。讲开汤，非常浓，好有牛肉香，好spicy好够咸香，似乎并冇刻意迁就本地人口味，而尽量做得地道。
红烧猪脚拌面 $60 - 猪脚皮好大块，食落好满足。但佢最大嘅亮点系个拌面，葱油香蒜香满布，面条烟靭有实感，食完会觉得好满足。个人觉得最抵叫系佢。
玉米起司蛋卷饼 $38 - 有粟米同芝士坐镇，基本上好难唔好食。现实上甜咸兼备，唔会好干，最重要系够热，亦都系非常抵食嘅小食。
酥炸鱿鱼 $48 - 外型唔算特别嘅酥炸鱿鱼，贵重之处系佢啲粉唔会散开，基本上系完全黐实喺啲鱿鱼上面。更重要嘅系啲炸粉唔会湿粒粒，亦好干身，冇乜油渗出嚟。
另外叫咗两杯嘢饮 - 冻黑糖珍珠鲜奶 $34 同 冻仙草奶茶 $28，都系好饮解渴之选。
最后俾多个提示，喺纸上面写”走青”、”少甜”，餐厅都系会好有心跟指示做。我谂”质素”加埋”有心”，就足够令到全场爆满了。
张贴
