洪記餃子雲吞糖水

营业中

休息中

呢间外卖店真系非常热闹，长期有好多客人光顾，有啲人专门买饺子，有啲人就钟意买甜品。店舖入面仲有即包嘅粢饭，选择多元，令人垂涎。因为屋企距离远，我决定买生饺返去整水饺食，选咗两款，分别系粟米生饺子同咸蛋黄生饺子。两款饺子嘅皮都烟靭有咬口，食落去非常满足。粟米饺子比较常见，包住一粒粒清甜嘅粟米同猪肉馅，味道鲜美；咸蛋黄饺子就比较少见，食落去有种流沙包嘅味道，十分香浓，建议准备辣椒油一齐食，味道会更加出色。下次我想试吓煎咸蛋黄，睇吓会唔会更加咸香。另外，我仲买咗两碗份量十足嘅糖水，分别系芋泥红豆仙草芋圆同多芒杨枝甘露。平时简配料总系会有选择困难症，但呢度一次过满足你多个愿望！芋泥红豆嘅甜味配上仙草嘅嫩滑，再加上芋圆嘅烟靭口感，层次非常丰富，食完之后仲好饱肚。多芒杨枝甘露就系另一个惊喜，店舖嘅雪柜里面摆满芒果，估计芒果系呢个店嘅特色之一。杨枝甘露呢个传统甜品而家已经好少见，里面有好多水果配料，西柚丝同埋芒果块，再加埋西米粒仲有芋圆，一个清新嘅选择。\呢间外卖店不单止食物好味，仲有多样化嘅选择，真系值得再试！