Ristorante Pizzeria Da Vincenzo

营业中

休息中

法拉利系意大利名牌好多人都知，不过我觉得呢间餐厅就系喺香港嘅意大利菜嘅名牌，因为佢嘅Pizza同意粉都真系好好食，而且价钱仲好抵添。今次叫了Parma Ham Pizza同埋焗芝士肉酱千层阔面，另外仲有两款系侍应姐姐推介嘅，一款系长通粉，另一款系传统意大利粉，不过唔记得叫做咩野名。四样野之中，个白汁芝士长通粉最好食，碟边D芝士碎捞埋落去D长通粉度，一粒都唔好浪费。个焗芝士肉酱千层阔面都好食，芝士好香，食完好充实。个Parma Ham Pizza都几大个，作为Set Lunch真系好难想像一个人可以食得晒，而且值得一提嘅系个Set Lunch仲有面包同埋汤或沙律任你拣，真真正正份量十足。最后想讲下佢只Sparkling Water，个樽好靓，走𠮶阵问佢攞返公司装水饮，真系开心。