影片
更多
2024-11-07
2019 浏览
呢间野见，从地段，门口，内笼，到装修，都大概感受到呢间店走嘅路线都相当平民，完全避开拉面激战区，同高档路线应有嘅配置。不过，以面论面，佢绝对唔比d名店差，甚至乎更好。《鸡🐓盐味拉面🍜》讲真，就咁睇卖相都够晒吸引。如果你有留意开，响日本，特别系东京最有名嘅人气拉面店，佢地都有几个共通点：一，个汤比较清澈。二，个面排得好整齐。三，配料唔会迫爆碗。以下系食评。香味 (3/5) - 香味比较单薄，除左鸡味（应该来自鸡油同鸡汤本身），近乎冇乜其他香味可言。汤 (4/5) - 如题，就系“非常纯粹的鸡清汤”。“纯粹”呢两个字并非贬义，对我来讲系中性。套用响呢个汤道，我认为好多于坏，因为本身鸡味就系讨好，堆叠太多其他味道亦不见得好，易被盖过。另外，鸡油嘅运用相当到位，提升左个汤嘅香味同层次之余，口感亦因此变得更加滑顺。汤嘅颜色系一大卖点，系金黄色，我认为望到个汤色，未食都赢左半条街。面条 (4/5) - 用嘅系细直面，低加水，感觉上同一兰选用𠮶只面好相似。因为个汤唔系浓，所以清楚地食到面条嘅小麦味，面同汤配合得好，成件事合情合理。配料 (4/5) - 鸡叉烧方面，部位系用鸡胸，非常之嫩滑，鸡味亦非常
不过，以面论面，佢绝对唔比d名店差，甚至乎更好。
《鸡🐓盐味拉面🍜》
鸡🐓盐味拉面🍜
$108
113 浏览
3 赞好
0 留言
讲真，就咁睇卖相都够晒吸引。如果你有留意开，响日本，特别系东京最有名嘅人气拉面店，佢地都有几个共通点：一，个汤比较清澈。二，个面排得好整齐。三，配料唔会迫爆碗。以下系食评。
香味 (3/5) - 香味比较单薄，除左鸡味（应该来自鸡油同鸡汤本身），近乎冇乜其他香味可言。
汤 (4/5) - 如题，就系“非常纯粹的鸡清汤”。“纯粹”呢两个字并非贬义，对我来讲系中性。套用响呢个汤道，我认为好多于坏，因为本身鸡味就系讨好，堆叠太多其他味道亦不见得好，易被盖过。另外，鸡油嘅运用相当到位，提升左个汤嘅香味同层次之余，口感亦因此变得更加滑顺。汤嘅颜色系一大卖点，系金黄色，我认为望到个汤色，未食都赢左半条街。
面条 (4/5) - 用嘅系细直面，低加水，感觉上同一兰选用𠮶只面好相似。因为个汤唔系浓，所以清楚地食到面条嘅小麦味，面同汤配合得好，成件事合情合理。
配料 (4/5) - 鸡叉烧方面，部位系用鸡胸，非常之嫩滑，鸡味亦非常够，系近乎完美嘅口感同味道。
猪叉烧方面，似系猪肩肉，切得都相常薄，肉味唔算浓郁。佢上碟时明显地系留生，粉红色，如果你浸落个汤道一阵间佢会变熟，以系张图就系一边粉红一边熟嘅例子。
溏心蛋🥚方面呢，非常好！外表够光滑，味道够浓郁，有流心效果，冇得输。
最后，当然毫无负担地乜都清晒，份量唔系多，不过对于我比较细食嘅人来讲，足够满足。
整体 - 值得推荐 👍👍👍👍
题外话/补充资料：
呢间店得三款拉面，全部都系鸡，分别系鸡白汤，酱油汤，同盐味汤。我之前食过酱油汤，我认为盐味汤比较优胜，不过两者都系好食同值得推荐，下次我会试埋鸡白汤。
(以上食记乃用户个人意见 , 并不代表OpenRice之观点。)
张贴
