上海小南國 (時代廣場) (已結業)

上海菜系我其中一样至爱嘅菜式，不过坊间嘅上海菜饭店太多，并唔系每一间都好食。今次去时代广场嘅小南国，我觉得算系有惊喜。最简单嘅鸡油炒豆苗，佢都炒得生熟程度刚刚好，保持到蔬菜嘅鲜嫩，又唔会太硬。我嘅至爱系蜜汁火方，小南国嘅蜜汁火方除咗火腿咸香扑鼻之外，蜜汁仲加咗大量桂花，令到香气更上一层楼。甜度适中，放喺贝壳形嘅包点里边，简直相得益彰。仲有砂锅云吞鸡，个鸡我就一般好少食，但系个云吞皮薄馅靓，鸡汤味浓郁，饮完一碗即刻想再饮另一碗。仲有一个煮食系上海粗炒，味道都好好，讲开都想返去再食。