茶閒裡

营业中

休息中

茶闲里一间非常之舒服茶室，食咗一个非常满足嘅便饭～叫咗一个鸡翼菜饭套餐($85)，同埋一个杂菌腊肠菜饭套餐($90)~鸡翼系即叫即焗，上到枱仲听到滋滋声，食落有少少脆，入面劲多汁。珍珠米菜饭非常好食，饭粒烟靭有嚼口，唔会太油，调味都非常好，呢个真系出色，因为好多时出边啲餐厅嘅菜单都系又淋又多油！另一个杂菌腊肠菜饭入边有几种唔同嘅杂菇同埋腊肠，上面仲有一只煎得好香脆嘅荷包蛋，㶶边得来入边有流心，呢个食落会更加丰富，因为菇嘅香味同埋腊肠嘅油份都落埋啲菜度。套餐会有一份小小嘅水果同埋一杯饮品，我同朋友叫咗一杯瑞香鲜奶茶同埋一杯蜜瓜乌龙鲜奶茶，两杯都非常顺口，茶味非常香～ 尤其系瑞香鲜奶茶真系好滑好香。下次再嚟嘅话一定要叫佢哋其他饮品。最后仲叫咗两件甜品，一件芒果茉莉Mini林明顿同一件桂花乌龙林明顿，表面铺满椰丝系好软熟嘅蛋糕，中间有啲cream～ 桂花乌龙入边有啲荔枝香味，食落非常之夹，同埋成件蛋糕都好轻盈。餐厅楼底好高环境阔落，而且装修都好靓，从佢哋简单嘅食物，都睇得出佢哋好有心思，其实真系唔容易～ 大家有时间就去试下啦！地址红磡马头围道63号启岸1楼104号舖