影片
更多
2018-08-11
47 浏览
肥妹仔我成日都会去一啲连锁店食pizza，但系就好少去一啲正宗嘅小店食意大利薄饼，难得今晚肥妹仔有位同事想食喺湾仔嘅一间正宗意大利pizza，肥妹仔梗系say yes去啦!!!!一入到门口肥妹仔已经闻到一阵好香嘅薄饼味，因为佢嘅薄饼系喺门口位置即叫即整，见到个店员即场喺度拉个薄饼，再涂上芝士同蕃茄酱，真系未食已经流晒口水~意大利妈妈肉酱千层面 $139肥妹仔去连锁店都会叫肉酱千层面，难得嚟到一间食正宗意大利薄饼嘅餐厅，有点会唔试下呢？碟千层面一上到枱，见到啲蕃茄酱同芝士仲系沸腾。块面包烘得非常脆， 沾上番茄酱同芝士食一流!! 基本上呢个千层面全碟都系肉酱味同芝士味主导， 但不得不提佢嘅肉酱非常香 ，但系个酱汁非常多，每食一啖面都食到浓浓番茄酱味同芝士味，而且拉丝嘅感觉亦都好澎湃!!!Half/Half ~ 烟三文鱼芝士& 暴龙 13吋 $160贪心嘅肥妹仔同同事商量后决定叫half halfpizza，咁就可以一次过试晒两款唔同嘅口味!肥妹仔我拣咗烟三文鱼芝士，烟三文鱼芝士系有烟三文鱼同两款唔同嘅芝士，个base就都系番茄酱， 烟三文鱼嘅份量好多， 每一块pizza都食到三文鱼同芝士，
一入到门口肥妹仔已经闻到一阵好香嘅薄饼味，因为佢嘅薄饼系喺门口位置即叫即整，见到个店员即场喺度拉个薄饼，再涂上芝士同蕃茄酱，真系未食已经流晒口水~
意大利妈妈肉酱千层面 $139
肥妹仔去连锁店都会叫肉酱千层面，难得嚟到一间食正宗意大利薄饼嘅餐厅，有点会唔试下呢？碟千层面一上到枱，见到啲蕃茄酱同芝士仲系沸腾。块面包烘得非常脆， 沾上番茄酱同芝士食一流!! 基本上呢个千层面全碟都系肉酱味同芝士味主导， 但不得不提佢嘅肉酱非常香 ，但系个酱汁非常多，每食一啖面都食到浓浓番茄酱味同芝士味，而且拉丝嘅感觉亦都好澎湃!!!
Half/Half ~ 烟三文鱼芝士& 暴龙 13吋 $160
贪心嘅肥妹仔同同事商量后决定叫half halfpizza，咁就可以一次过试晒两款唔同嘅口味!肥妹仔我拣咗烟三文鱼芝士，烟三文鱼芝士系有烟三文鱼同两款唔同嘅芝士，个base就都系番茄酱， 烟三文鱼嘅份量好多， 每一块pizza都食到三文鱼同芝士，钟意食海鲜嘅肥妹仔表示好满意~ 暴龙最主要系有两款意大利辣肉肠，佢嘅辣肉肠好香黑胡椒味，而且一啲都唔会过咸，钟意食意大利辣肉肠嘅朋友一定要试!!
冻柠茶 $28
肥妹仔至爱，次次出街食饭一定会嗌杯冻柠茶。
Nest Beer $55
呢款啤酒系由个店员哥哥介绍肥妹仔同同事饮嘅，佢唔似一般嘅啤酒只有麦香味，佢会饮落多种多咗一种果香-香蕉味，每一啖饮完之后都会饮得出有香蕉味同奶油味，好特别嘅啤酒。
张贴
