Africa Coffee & Tea

营业中

休息中

今日原本应该高高兴兴因为系我父母结婚周年纪念，同佢地行完山去呢间特别餐厅坐低休息饮下野. 首先发现佢比既几张menu里面同一项目既野都出现不同价钱，所以就询问侍应生以及提醒一下佢地要留意。我地点咗bottle beer但啤酒唔够冻，不过我地都无太在意。然后当我地饮完再加点，向佢地表示啤酒唔够冻，餐厅提议我地可以试draft beer, 嚟到既draft beer系有比较冻。最谷气既其实系埋单时，侍应生错误计算我地消费既数目，当我地更正佢既时间佢语气非常唔友善及大声，而且menu上明明写住Sat&Sun 4pm-6pm 系happy hour, 但佢charge regular price,当我地问既时间佢就坚持礼拜六日无happy hour, 因为已经不太愉快而且我父母系度，所以我就无花多余力气同佢地理论，只系比钱就走。今次体验令只我感受佢地对待经验餐厅好似好随便求求其其咁，对客人既态度又无礼貌.所以绝对唔会再有下次。最唔开心系令今日庆祝爸妈结婚周年纪念心情ruin咗。