居食屋「和民」 (已結業)

我上个礼拜喺和民买了外卖，买了两盒照烧鸡扒便当和一份鸡肉串烧盛合，返到屋企先发觉佢哋比少盒照烧鸡排便当，我立刻打电话比佢哋，应该系由佢哋的经理接听，佢二话不说立刻话帮我地落返order，仲主动提议佢揾同事送上我屋企俾我，非常贴心，因为我住的屋苑有一段距离，需要搭一程车，所以我婉拒左佢，话我会自己过嚟攞，经理就立刻主动话送两杯饮品俾我哋，由我地自己拣。今日我再去买外卖，经理记得我，大家都寒暄左几句。100分的服务态度，经理处理件事亦非常恰当，由一件可能令到顾客不愉快的事情，转变成为一件客户会赞佢哋的结果。讲返嘢食的味道同质素，样样野都几好食，分量亦啱啱好。