影片
更多
2021-08-31
40 浏览
星期五唔想煮饭，所以就同屋企人都决定买外卖，天气咁热，食啲辣嘢同埋凉拌会更加开胃， 经过路德围见到呢间外卖店好吸引，就决定买来试一试。我哋拣咗两盒饭，一盒五香料理三拼同川麻料理三拼，每个拼盘都可以各自拣三款小食，分别有荤菜同素食。食辣嘢就梗系要配饮品。之后就急不及待返屋企开餐喇。川麻料理三拼($55)：辣拌牛柏叶同辣卤金钱肚够哂入味又有口感，藕片好爽脆，份量亦都好多呢个川麻料理我真系非常钟意，佢𠮶只麻香喺口入面嘅感觉历久不散，而且令人非常回味，佢只麻香系令人食完一件又想即刻追住食另一件嘅感觉，屋企人食完之后都同我讲下次即使喺屋企煮饭，都可以买一盒拼盘嚟加𩠌，因为非常方便而且真系好好味。五香料理三拼(50)：牛腱好香又大大件，猪耳很爽口，四喜烤麸索哂汁味，正！讲下个饭，我觉得东坡肉饭($40)非常出色望到佢个光泽已经非常开胃，咬落口有肥膏香味但又唔会觉得油腻，调味亦都好好，非常入味，最吸引嘅地方系佢真系炆得好腍，配饭一流。牛腩饭($45)个牛腩都好入味，辣味好香，而且份量亦好多。另外要讲一讲饮品，桂花乌龙($30)一打开个樽盖已经闻到有桂花嘅香味，非常值得一赞， 而佢𠮶种花嘅幽香同乌龙茶
我哋拣咗两盒饭，一盒五香料理三拼同川麻料理三拼，每个拼盘都可以各自拣三款小食，分别有荤菜同素食。食辣嘢就梗系要配饮品。之后就急不及待返屋企开餐喇。
川麻料理三拼($55)：
辣拌牛柏叶同辣卤金钱肚够哂入味又有口感，藕片好爽脆，份量亦都好多
呢个川麻料理我真系非常钟意，佢𠮶只麻香喺口入面嘅感觉历久不散，而且令人非常回味，佢只麻香系令人食完一件又想即刻追住食另一件嘅感觉，屋企人食完之后都同我讲下次即使喺屋企煮饭，都可以买一盒拼盘嚟加𩠌，因为非常方便而且真系好好味。
五香料理三拼(50)：
牛腱好香又大大件，猪耳很爽口，四喜烤麸索哂汁味，正！
讲下个饭，我觉得东坡肉饭($40)非常出色
望到佢个光泽已经非常开胃，咬落口有肥膏香味但又唔会觉得油腻，调味亦都好好，非常入味，最吸引嘅地方系佢真系炆得好腍，配饭一流。
牛腩饭($45)个牛腩都好入味，辣味好香，而且份量亦好多。
另外要讲一讲饮品，桂花乌龙($30)
一打开个樽盖已经闻到有桂花嘅香味，非常值得一赞， 而佢𠮶种花嘅幽香同乌龙茶真系非常之夹，清香得嚟又唔会抢到茶味。
至于罗汉果菊花茶($30)，食辣嘢当然要下一下火，罗汉果菊花茶除咗因为佢清热嘅功能，味道亦都非常之好饮，都系有清香嘅感觉，亦有罗汉果𠮶种甜味，估唔到连饮品方面亦都非常出色。
张贴
