灃味館

营业中

休息中

川味花甲大只又厚肉，个汁似平时食口水鸡𠮶啲但再香辣少少好开胃金沙大刀鱼皮块炸鱼皮长过我只前臂劲夸张，叔叔系我哋打完卡之后就帮我哋整到细细块容易食，每块脆卜卜既鱼皮都沾满咸蛋黄，晤算油腻鲜菠萝拔丝脆皮咕噜肉上枱觉得都系普通咕噜肉啰，点知一食外脆内软，酱汁少少冻有食冰糖葫芦既效果，入面既肉有咬口得嚟偏腍，鲜菠萝表面烧过食落甜品更出，少少酸收尾，好食鸡油花雕蛋白蒸蛏子𡈼伴陈村粉打卡一流呀卖相，上枱时花雕香扑鼻，只只蛏子筷子咁长无蒸过笼又嫩又甜，蛋白同陈村粉吸收晒蛏子既精华，真系一口接一口咁食唔停鲍汁扣原件 12头花胶扒公依个价钱帮你焖埋，个要大大只真心抵到爆，一份大概切到8件左右，用左蚝、鸡浓汤、金华火腿汁扣煮焖，鲍汁浓郁到我想饮左佢~劲后悔无加面唔好睇餐厅员工有返咁上下年纪，佢哋系super nice 又会好主动同客人介绍菜式倾下偈，又会成日同你换碟又会帮你预好哂时间上菜，野食又真心好食，除了坐得迫了少少之外，真系无野可挑剔。