Sooner

营业中

休息中

西营盘多咗好多又靓又有特色嘅cafe同文青小店，初初以为呢间都系一间正常靓cafe，谂住坐下轻松下，但试过佢嘅嘢食同饮品，实在令人喜出望外，非常高水准，要介绍一下💙💙 以下点嘅食物不论摆设同味道都唔系外面常见嘅，上枱嘅时候店员仲有详细介绍返菜式，睇得出厨师嘅心机同埋对烹饪嘅热诚，有机会要再试下其他菜式。💙鲜茄蓉鳀鱼多士多士外层颇香脆，但里面系非常松软，底面都搽满牛油(定橄榄油?)，好似食紧一款新鲜出炉嘅手做面包，非常高质。 上面嘅蕃茄碎清甜唔会过酸，再配上鳀鱼嘅咸香令到味道层次更加丰富，三款食材配合得好好👍🏻💙是日甜品-Bake Rice Pudding有少少似焦糖西米布甸，不过系升华版🤭下面系焗饭，米饭粒粒分明而且有口感，几弹牙！上边有一层薄薄烧过嘅焦糖，再配上清甜橙肉，混合埋酱汁，口感同味道都好夹。💙柚子蜜桃梳打呢一杯梳打味道唔会过甜，蜜桃嘅甜香配上柚子嘅酸性味道啱啱好，加上有气嘅梳打饮完之后真系透心凉，非常适合而家咁热嘅天气。