影片
更多
2015-04-25
302 浏览
第一次黎，同事推介黎试试，最初谂住系西餐，但原来只系港式快餐鸡牛猪鱼配意粉白饭，中汤配西快餐，perfect match 啦。舖面非常细，放 3 张圆枱已经无路可行，迫迫地每张都免强迫到 4 个。舖租太贵喇，个个都系同业主打工。例汤合掌瓜汤，味道一般啦，水水地。洋葱汁鸡扒意粉，鸡扒煎得有点㶶㖞，底部有少少燋黑带㶶味。鸡扒上半还可以，但肉汁欠奉，下半煎得干鞋，似乎唔觉意失左手，而且味道略为偏咸。意粉细心地炒过，热辣辣上枱，依个味道系中式有镬气𠮶只炒意粉，高质干爽有咬口。有趣地洋葱汁系中式黎架，中式例汤、中式酱汁、中式煮法、西式食材，非常 fusion。试左朋友仔只烧汁猪扒，质地都几干鞋硬噃，揸上手扯黎食会方便好多，味道还可以。个烧汁系广东红烧汁黎架㖞，好鬼得意！
第一次黎，同事推介黎试试，最初谂住系西餐，但原来只系港式快餐鸡牛猪鱼配意粉白饭，中汤配西快餐，perfect match 啦。舖面非常细，放 3 张圆枱已经无路可行，迫迫地每张都免强迫到 4 个。舖租太贵喇，个个都系同业主打工。
例汤合掌瓜汤，味道一般啦，水水地。
洋葱汁鸡扒意粉，鸡扒煎得有点㶶㖞，底部有少少燋黑带㶶味。鸡扒上半还可以，但肉汁欠奉，下半煎得干鞋，似乎唔觉意失左手，而且味道略为偏咸。意粉细心地炒过，热辣辣上枱，依个味道系中式有镬气𠮶只炒意粉，高质干爽有咬口。
有趣地洋葱汁系中式黎架，中式例汤、中式酱汁、中式煮法、西式食材，非常 fusion。试左朋友仔只烧汁猪扒，质地都几干鞋硬噃，揸上手扯黎食会方便好多，味道还可以。个烧汁系广东红烧汁黎架㖞，好鬼得意！
张贴
