A La Umai (已結業)

今个星期实在太chur, 终于挨到weekend, 训到自然醒，然后男友带我去呢间餐厅叹个semi buffet lunch🥰餐厅位于天后嘅一幢商厦入面，离天后地铁站只系5分钟步程。餐厅装潢简单雅致，地方不大但枱櫈摆位唔会迫，最吸引嘅系呢度有特大玻璃窗，景观开扬，仲有维港景添！主菜有5款选择，前菜、餐包、小食、汤同甜品任食，款式唔算多，但咩都有。主菜方面我地拣左意式肉丸意大利面（$148）同美国安格斯肉眼伴扇贝配磨菇红酒汁（$238）。意粉整体不错，份量、硬度、调味都岩岩好，肉丸有三大旧，但肉质结实同干左少少🤪。肉眼7成熟但仍然够juicy粉嫩，扇贝大大粒，够弹牙新鲜，其他配菜都够新鲜，好睇又好食。食完主菜再食返几件甜品就为呢餐咁chill嘅brunch划上完美句号。