影片
更多
2011-07-10
131 浏览
正到呢 ﹗要再去再去再去，要经常去 ﹗之前都系去开天文台道既第一店，依间分店新开架 ~ 舖位比第一店细，但较新净。第一店主打铁板烧，依度就主打寿司同刺生，仲有间分店就主打日式火锅 ﹗食物、环境同服务都超满意，今日既主厨师父，见佢都好年青，健谈、友善。食得非常开心 ﹗补祝 Zoe 生日饭 ﹗装修好靓，宽倘舒服，唔好以为得睇见咁大，里面仲有几间 VIP 房架 ﹗大厅半边做铁板烧，半边做寿司吧。最钟意依类格局，可以面对面同师父有交流，谈谈食材、烹调、食经、时事、娱乐以至风花说月，谈到兴起，大家仲会举杯畅饮，好好 feel。仲可以见到制作过程，食得特别愉快。活蟹仔呀 ﹗好可爱呀 ﹗爬黎爬去。师父仔话系用黎做炸蟹小食，即 order 即落油镬，但大多食客见到咁可爱都唔舍得叫黎食。佢地会喂青瓜或其他素食比蟹仔，可以活一个月咁耐架。好多好多食材 ﹗寿司、刺生，仲有好多时令又较为罕有既鲜鱼，好想试 ﹗太多都未食过架，要黎多几次先得，但下次又未必有绿遇到。神之河烧酌，朋友未到，叫支酒饮住等。烧酌味辛但香醇，酒精度稍高，几好饮，慢慢叹。我爱净饮，不过可加冻或鲜柠同饮。枝豆，简单餐前小食，收钱架。枝豆充满水
装修好靓，宽倘舒服，唔好以为得睇见咁大，里面仲有几间 VIP 房架 ﹗大厅半边做铁板烧，半边做寿司吧。最钟意依类格局，可以面对面同师父有交流，谈谈食材、烹调、食经、时事、娱乐以至风花说月，谈到兴起，大家仲会举杯畅饮，好好 feel。仲可以见到制作过程，食得特别愉快。
活蟹仔呀 ﹗好可爱呀 ﹗爬黎爬去。师父仔话系用黎做炸蟹小食，即 order 即落油镬，但大多食客见到咁可爱都唔舍得叫黎食。佢地会喂青瓜或其他素食比蟹仔，可以活一个月咁耐架。好多好多食材 ﹗寿司、刺生，仲有好多时令又较为罕有既鲜鱼，好想试 ﹗太多都未食过架，要黎多几次先得，但下次又未必有绿遇到。
神之河烧酌，朋友未到，叫支酒饮住等。烧酌味辛但香醇，酒精度稍高，几好饮，慢慢叹。我爱净饮，不过可加冻或鲜柠同饮。
枝豆，简单餐前小食，收钱架。枝豆充满水份又爽脆，味带淡淡咸味，助酒不错。
富士苹果鳕鱼籽沙律，居然有巨形日本空运到港既温室富士苹果呀 ﹗真系非常清甜，越食越想食，跟新鲜蔬菜混和连薄薄沙律酱，全个配搭都超正，加上卜卜脆既鳕鱼籽，加添多一份层次感。
松刺生盘，最高级。和牛、牡丹虾、活赤贝、油甘鱼、章红鱼、雕鱼 ﹗卖相艺术品一般，味道好食到呢：鲜、甜、嫰 ﹗太美味，救命，连加一多谢 HKD625，正到无得弹，大埔无可能食到如此质数。和牛雪花丰富又平均，入口牛味浓，质感幼滑。活亦贝鲜爽到脆口，贝类甜味突出。牡丹虾口感黏、胶、爽，系一个极度新鲜既证明，味道甜到不能形容。充满虾膏既虾头，系我至爱。鱼油劲丰富既油甘鱼，我必食既鱼，香甜至极。任款都好好味又肥美，未食晒已谂紧下一款叫咩刺生好喇 ﹗
油甘鱼，刚才食完超肥美既油甘鱼，得两片厚切真系唔够喉 ﹗要即刻叫多一客先顶到瘾 ﹗太美味喇，好甜啊 ﹗
极上吞拿鱼腩寿司，肥肥肥美美美，甜甜甜、鱼油劲劲劲，食完香味完完全渗入口腔同牙缝每个角落，无得弹 ﹗一放入口已开始溶掉，脑里一片空白，只剩下鱼腩既鱼油香味同滑不溜口既质感 ﹗
海胆寿司，海胆同寿司饭既份量差不多一比一，鲜味无比，马屎海胆高级货，顶 ﹗好想食多几旧呀 ﹗鲜鲜鲜爽杂淡淡海水味，太正喇，好幸福啊。
茔光墨鱼仔，师父哥哥免费请我地食，唔知系咪见到 Zoe 妹妹靓女所以献吓殷勤呢？哈哈。Size 属小朋友 size，系另一间日本料理食过，但 size 大 40% 啦。墨鱼仔好爽口，天然海水咸味，跟留系墨鱼身内既鲜甜墨鱼汁混和，好食到不得了 ﹗而且墨鱼肉起爽，食唔停口。
炸紫菜鱼仔块，依个都系大师父请既小食。口感好脆，仿如饼干，味道有点寡同沉实，如果加海盐调味可提升吸引力，今次麻麻。
太刀，系时候试吓啲较特别既鲜鱼喇，师父推介火炙太刀，用火枪炙过，有淡淡烧烤味，增加不少嗅觉既吸引力。鱼肉口感异常地弹牙，实净，好得意，本身太刀味淡，但经火炙过，部份水量蒸发，令鱼肉鲜味浓缩左，再加上烧烤香味，好好食。
雀雕，较为罕有既刺生，唔系间间有得食，一条鱼只切到四片，口感弹牙有赵口而且味鲜带甜，鱼细但味道鲜得紧要，good good good ﹗
张贴
