小包包

营业中

休息中

包包食得多，依间确系俾到惊喜，中式馒头西式演绎，用心制作交足功课，咬落一啖惊喜一啖满足，令人印象深刻。餐厅地方细细，好在有位坐在Bar台，望住厨师用心制作，一点也不马虎呀，食物美味价钱合理，值得一试。沙姜薯条 $88薯条幼身，炸得香脆唔油腻，洒上沙姜粉非常惹味，再蘸上沙姜沙律酱，沙姜味更突出，作为佐酒小食一流。LB凯撒沙律 $78平时食开的中式小菜豆豉鲮鱼油麦菜，突然变左沙律真系好神奇。鲮鱼变左蒜片咁脆卜卜，油麦菜清新爽脆，以鲮鱼打成豆豉白芝麻酱汁，带出咸鲜味，实在不可思议。招牌猪腩包 $98慢煮猪腩肉厚身邪恶又好食，肉质软腍入味，食落唔觉肥腻，配以刈包口感软熟，馅料有大葱、紫苏叶、腌洋葱、开胃酸瓜等配料和加上美味芝麻酱和海鲜茄汁，口感味道丰富，好味好味值得一食。韩式煎饼 $128煎饼表面脆薄香口，完全唔厚粉，色泽橙红来自辣油，就咁食好够味，馅料好多韮菜和煎得够死，拎上手食会更好味架。榛子意式雪糕包 $48雪糕朱古力味浓郁加榛子酱，味道更有层次，亦唔会好甜，配上小炸包好脆有如食churros的感觉，几特别的体验。盐味雪糕包 $48盐味雪糕加焦糖都好好味，咸咸甜甜搭配得宜，个人十分钟意。