樂意點心

营业中

休息中

相约朋友在尖沙咀，都知呢区食野唔太平，于是上Open Rice睇下有冇d食评唔差嘅去试下。最后朋友话呢间都近我地相约嘅地点，于是决定出发。店面：装修都几别致，但坐位较少，冇得订位，又冇飞攞，要排系门口等，呢个做法麻麻地，我地系第一张枱，都好似等左最少15分钟。食物：茶～叫左水仙，好香，饮落口唔会苦涩。笼仔蒸饭～应该系店嘅主打，𩠌菜味道唔错，但饭有点硬。套餐汤~加左钱的花胶汤，ok，冇味精，足料。但灌汤饺，比普通酒楼差，皮淋晒，但足料。点心~如果叫蒸饭套餐可加钱要点心，我地有加钱，亦有叫正价点心，但点心卖相完全唔掂，味道有点咸，有点失望。