沙田友冰室 (已搬遷) 新店位置

日期：9月28日人数：3人一家三口再到去石门揾嘢食。上次路过呢间冰室，觉得佢装修好似唔错，人气亦都几旺，就谂住今次专程嚟试吓，但同期望有d落差。我哋嗌左一个常餐，同一般差不多，里面有猪扒公仔面（我哋转左通粉）、黑松露酱炒滑蛋、多士同埋一杯热饮。另外点左个脆脆猪仔包餐。最后见餐厅外边写住火焰炒牛河，咁就叫咗一碟干炒牛河试吓得唔得 (另加$3有杯冻柠茶)。猪扒系有煎过嘅，但系就太多肥，仲有唔少骨，所以其实无咩肉食。黑松露酱炒蛋多士属于正常水准。而猪仔包只可以话一一般般，比起好食嘅奶油脆猪差左起码一个level。干炒牛河配料多，炒得都算几香，但油份比一般干炒牛河多，整体唔算突出。一家人一致觉得，以一个标榜冰室的茶餐厅来讲，食物质素其实不如期望。后来我哋谂住试埋咖喱鱼蛋，见佢$10有8粒咁平，就买咗$10。估唔到有惊喜，咖喱汁好香，鱼蛋亦都颇为弹牙，亦冇话好多粉，绝对系抵食嘅。我哋见到鱼肉烧卖都好大粒，但因为太饱，所以无试到。餐厅装修系行怀旧风格，但系座位偏细，我哋觉得坐得偏窄，唔算舒服。餐厅位置几方便就喺石门地铁站外面，行1分钟就到。