靠得住粥麵小館 (黃大仙中心北館)

营业中

休息中

星期日多数都系陪屋企人食饭，而中午靠得住就系必不可少嘅食店选择。平时都食开粥呀水晶鸡同炸排骨多。今次就想试下食咸鱼蒸肉饼菜饭套餐。蒸肉饼上菜时间真系有点慢，家人都食左一半先来到。蒸肉饼的卖相其实不俗。睇落去好似好咸咁，其实不然。肉饼本身的味道好淡。肉饼多汁同嫩滑，不过由于本人比较好偏瘦的肉饼，所以这款多汁又有少少肥猪肉（其实系正常）本人就耍晒手啦。本身肉饼偏淡味，此时加埋马友咸鱼嘅配搭真系一流。味道浓度适中。👍🏻👍🏻👍🏻不过马友有点太软身，无左咸鱼嘅咬口，呢度有点失望。仲有一点要讲嘅，由于蒸到岩岩熟，底部都仲会见到粉粉地，所以先保持到肉饼嘅嫩滑度。不过本人就钟意食再熟少少嘅肉饼多点。呢款肉饼整体而言唔太岩本人口味，所以唔会再点啦。