靠得住粥麵小館 (形點 II)

营业中

休息中

前菜有腌罗白，好有心机排成一个井型，手拍青瓜清脆爽口，蒜味十足！胡椒猪肚汤（4人）好足够，胡椒辣度十足，猪肚排骨新鲜。冬天饮完成个身都暖笠笠～白灼姜葱珍珠蚝，珍珠蚝每粒都胀卜卜，底下铺咗芽菜花生配埋鱼露好香口，作为餐前菜一流。奶油金沙海中虾，一份有6只，每只虾都被咸蛋黄包裹住。叫咗半只驰名东江盐焗鸡，鸡面撒咗少少沙姜粉，鸡肉腌得岩岩好，皮脆肉嫩。鱼汤海味粉丝杂菜汤，好丰富除咗杂菜之外，仲有虾干，鱿鱼同埋淡菜，汤底都好鲜甜，值得一赞！心肝宝贝粥，靠得住嘅招牌粥，猪润厚身但唔会鞋口，带子鲜甜爽口，粥底够哂绵，果然必叫招牌～