靠得住粥麵小館 (奧海城二期)

营业中

休息中

今日午餐时间同友人经过奥海城，见E间餐厅唔使点排队，睇完menu都觉得OK于是决定试试佢。 点知餐厅full咗，不过好彩等咗5分钟左右，好快就入得去啦！睇完Menu有几样嘢都想食，最后我决定叫陈皮鸭腿汤饭配冻薏米水，友人就叫咗云吞面配萝卜糕。好快脆嘢食就到 侍应上陈皮鸭腿汤饭我觉得有惊喜㗎，个碗大过我块面，饭量非常可观。野食到左就唔等啦趁热食，讲讲个汤先个汤够味又唔会太咸，有陈皮丝可惜陈皮味就唔系太出，另外有几嚿冬瓜又有几粒菇咁汤不过不失 。讲完汤就紧系要讲埋主角鸭腿，鸭腿用筷子轻轻一夹 骨肉分离，我满怀期待咬落去，入口同我想像有啲出入，鸭肉偏鞋有啲韧，我谂可能E个位先系咁姐，夹第二个位再试下先，都系鞋鞋地，不过最后我都食晒，肚饿ma。友人叫嘅云吞面萝卜糕，啲面系偏幼偏淋，萝卜糕比较粉。不过上餐时好特别，侍应分别攞来一壶汤同一碗面，上枱前先倒汤落面到，我谂系想啲面唔好浸系汤到太耐变淋，系细心位，加分最后杯薏米水好有惊喜！！系姜味薏米水！！细细姜丝捞埋多多薏米，味道拿捏得啱啱好，姜味足薏米足又唔辛辣，叫野饮非常推荐佢。