好德來小籠包店 (已結業)

平日晚餐，叫左小笼包，鳝糊汤面，回锅肉(sorry无影) 同埋一个三色百页卷。整体而言，抵食、味道正路，地点算就脚，几好招呼，如果系佐敦想食餐快靓正上海嘢，唔错。小笼包中规中矩，皮比较厚，汤汁算多。新鲜滚热辣，不俗。鳝糊中上，个人而言上海嘢最好食系鳝糊。呢碟鳝糊比起其他有惊喜。鳝身够爽，银芽份量够，蒜香味啱啱好。个面就好普通。个汤底似滚水多过汤。下次会叫一客鳝糊加白饭。回锅肉有得拣牛或猪，拣左猪。味道几好，唔会太甜太辣。配菜够多，爽口。肉都唔吝啬。本身想叫个菜，事头婆推介我试三色百页卷。系冷盘，食落小小麻油味，感觉好清新。开胃。几特别，值得一试。环境就一般港式中餐格局，坐位偏细，干净企理。冷气较凉。值得一提，免加一。性格比高。