港嘢茶檔 (已結業)

之前都帮衬过这间餐厅几次，觉得食物质素唔错所以返兜食返E间，今次点左餐蛋治早餐食，餐蛋治食到尾声先发现块面包有绿黑色既一点点发霉，问左第一位职员，佢竟然话系沙律酱汁，听完我开始都有怀疑，唔通系我多心，坐多一阵，我再研究多一次块面包，发现酱汁既颜色系啡红色，唔会系绿黑色一点点，再问第二个职员，先可以确认我块面包系发霉，我连沙律都末食完，佢哋就匆匆咁收咗我碟野，佢哋亦无问我要不要整过另一份比我，所以我起身埋单走人，真心觉得好灰，份餐蛋治都食到尾先发现，好明显食左D发霉面包落肚。三文治都系早餐主要款式，佢哋应该自觉其食物卫生质素，唔系要食客发现有问题先处理，希望我今次食完唔好肚疴。