歌柏絲意大利餐廳 (已結業)

今𠮶月系我个生日周, 又有朋友请食饭啦! 呢间餐厅前前后后来了数次, 今次特别啲, 无叫意大利粉, 无叫薄饼食, 全程衹系食海鲜, 无叫其他野食, 不过食完餐饭就已经好饱好饱啦!头盘,先嚟两款青口, 分别用两种煮法, 白酒煮同忌廉煮。白酒煮青口: 青口够大只, 肉质鲜美, 白酒煮带出青口啲海洋鲜味!忌廉煮青口: 有一阵阵淡淡的忌廉香味, 青口够新鲜, 用忌廉汁煮与白酒煮青口, 各有自家特色的味道,而且煮青口啲忌廉汁还可以用来点面包吃。正! 一流! 面包蟹: 据闻是飞机新鲜运到, 而且有季节性的, 唔系次次嚟到都有得食。一只蟹相信有成几斤重, 用清蒸的煮法, 不加酱料及其他香料来煮, 开好壳, 将手手脚脚分开, 再砌翻成一只蟹, 原只上碟, 再以沙律菜伴碟, 卖相一流, 未食都已经流晒口水啦! 面包蟹 以清蒸的煮法引出蟹肉的鲜甜味, 因为蟹肉的份量不小, 所以一人食完一只就已经饱饱啦。