影片
更多
2017-01-10
1422 浏览
太安楼系港岛区食家既朝圣地，细细地既一个商场已经有数十间食店，鱼蛋店、台式饮品、外卖食堂、西餐馆、连锁餐厅、快餐店等，要咩有咩！系商场内行左几个圈，有好几间大排长龙既都系外卖自取，但今日小弟要堂食 ，见到群记店外贴晒报纸咁，所以就入左呢间试下。入到去得3张台，唔洗等。食面梗系要试下最简单既牛腩河啦！面好快就整好，外观非常讨好，比人第一感干净整齐食欲大增先试一啖汤底，感觉呢碗潮州口味汤底同一般既面店汤底好唔同，一开始感觉比较清淡，但慢慢会品尝到汤里面带有甘甜既品道！牛腩就好明显落左好多功夫，脂肪唔多，心谂咁瘦应该会好韧，点知牛腩入口即溶，软滑既牛腩肉加上牛香系口里面荡漾！一生不大乐事其实店里仲有卖好多牛唔同既部位，有面珠、爽腩、崩沙、牛脷等等。好多出面既面店系食唔到，可惜我唔似牛有四个胃，今日试唔到咁多款，相信佢其他既牛汤面都可以比到惊喜我！下次再试！系众多面店可以话系鹤立鸡群！埋单25
系商场内行左几个圈，有好几间大排长龙既都系外卖自取，但今日小弟要堂食 ，见到群记店外贴晒报纸咁，所以就入左呢间试下。
入到去得3张台，唔洗等。食面梗系要试下最简单既牛腩河啦！
面好快就整好，外观非常讨好，比人第一感干净整齐食欲大增先试一啖汤底，感觉呢碗潮州口味汤底同一般既面店汤底好唔同，一开始感觉比较清淡，但慢慢会品尝到汤里面带有甘甜既品道！
牛腩就好明显落左好多功夫，脂肪唔多，心谂咁瘦应该会好韧，点知牛腩入口即溶，软滑既牛腩肉加上牛香系口里面荡漾！一生不大乐事其实店里仲有卖好多牛唔同既部位，有面珠、爽腩、崩沙、牛脷等等。好多出面既面店系食唔到，可惜我唔似牛有四个胃，今日试唔到咁多款，相信佢其他既牛汤面都可以比到惊喜我！下次再试！
系众多面店可以话系鹤立鸡群！
埋单25
张贴
