程班長台灣牛肉麵 (已結業)

铜锣湾广场新开左唔系好耐嘅"程班长台湾牛肉面"听闻来头不少，而且听闻评价唔错。是日天气闷热，食热辣辣牛肉面的确几辛苦，不过见到佢有唔少台式饮品好似几吸引，加上一个人等一阵好快就有位，一于就入去试下，可惜最后空欢喜一场，失望而回...招牌红烧牛肉面($42)送来时真系俾个卖相吓一跳，尤其系果几条菜芯同半只卤水蛋，真系几倒胃口。而且咸菜卤水蛋同样乏味，同大婆或毓民牛肉面嘅配料相比，实在有天渊之别，程班长呢方面真系要改善一下...一碗汤面成唔成功，我觉得汤头系好重要嘅一环，呢个汤浓郁中带甜，水准合格有余。而全碗面最突出嘅就系面条部份，面够粗身，食落弹牙爽口，牛肉汤亦好入味，相当精彩！可惜牛肉方面真系差得很，呢度用上嘅系牛腩而唔系牛展，而且炆得唔够软腍入味，肉身口感实在差到晕，极度失败！唔通班长真系在香港揾唔到牛肉俾大家？由于牛肉面份量不多，来一客小食盐酥鸡($28)填肚，可惜炸得不够热，入口脆度不足，盐酥咸香味亦欠奉，比起大婆牛肉面嘅盐酥鸡实在相差好远...幸好鸡肉咬落唔算太干身，肉味仍然保留到。如果改善一下腌制方法，应该会系一个唔错嘅小食...红豆珍珠奶茶($18) - 虽然红豆同珍珠够软