刕舙馫麵館 (已結業)

住喺红磡咁耐，一直都知道其实红磡工业村𠮶边好多嘢食，以前就好钟意有一间日本菜嘅，但系佢好似执咗去咗荃湾之后就冇再行过去𠮶边食嘢啰。今次见到佢开左间新面店，系我最钟意食嘅刀削面呀！放工我屋企人两个人食饭唔知食咩好求其食碗面啦，然而佢啲刀削面真系令我好惊喜！睇得出佢系自己整嘅，除咗粗幼唔一样好有口感之外，唔会好似出边果啲咁好粗好硬，挂汤都唔错。见佢Menu上边推荐嘅系牛筋腩，所以叫咗一碗，另外系见到台台都叫嘅口水鸡。牛筋腩啲牛筋真系超级软熟同入味，不过我觉得份量可以多番少少。口水鸡认真出色，大大件嘅鸡唔会剩系得骨，肉都好嫩滑，特别系个酱调制得非常好，唔会剩系得辣油，就算浸落去汤面度食都好够味。餐饮跟豆浆。小食叫咗个口水鸡酱嘅豆腐，豆腐都几滑，有少少卤水左嘅感觉。