XOXO Café Lab (已結業)

平日難得有半日假，可以行吓由厚德商場改名為TKO Gateway的新商場。坑口郵局原來已經冇咗，上面的食店亦已經轉咗。經過見到XOXO好似都好多人幫襯，冇特別心水又試吓新嘢。XOXO供應嘅食物都好fusion，有韓式亦有台式。不過自己都係鐘意食傳統食品多啲，叫咗紅燒牛肉麵同冰鴛鴦珍珠奶茶。紅燒牛肉麵同湯分開上，紅燒牛肉麵賣相不錯，數大塊牛肉，半隻蛋，兩隻小棠菜。湯汁唔係非常熱，倒入湯後要浸一浸番熱啲牛同麵軟身先。牛肉很有質感但略瘦，麵質唔係彈牙果隻，較諗，同傳統台灣牛肉麵略有不同。冰鴛鴦珍珠奶茶有兩種珍珠，深啡色煙韌，與傳統一樣，另一種淺黃色脆口，好似食緊三文魚籽咁，很有趣，奶茶茶味較薄較甜。