影片
更多
2025-01-25
0 浏览
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗朋友想食韩式炸鸡，我哋去咗最多韩国餐厅嘅金巴利道揾食，行咗一阵都未谂到食边间，就继续行，行到去比较细嘅金巴利街，见到呢间舖面系黑色金色嘅韩国餐厅好吸引眼球，望完 menu 感觉唔错，就入去试吓！朋友要食炸鸡，就一定会叫，就由佢发板，我自己觉得呢几日，夜晚都冻冻哋，想饮个暖笠笠嘅汤，就叫咗个参鸡汤。🍴参鸡汤（$158）其实仲有其他汤拣嘅... 例如豆腐汤、泡菜汤、牛肉大酱汤，但睇开我社交平台嘅人都知，我都会煮D 韩国嘢食，呢类嘅汤我都煮到，就梗系拣我唔识整嘅参鸡汤啦～ 个汤先上，非常热辣辣，汤底有种黏黏嘅胶质感，用筷子一夹，直接骨肉分离。先试咗个汤，饮落去口感比较厚身，有种浓郁嘅感觉，但个味唔会调得好咸（或者可能佢根本冇再落调味），就系似鸡汤原味直出，比起用调味搭够嘅，真材实料好多！鸡肉非常嫩滑，连鸡胸肉都唔会嚡，最劲嘅系，佢连鸡骨都煲到软化咗，即系除咗比较大嘅鸡骨外，其他系可以食埋！最靓笑系，我食鸡翼位，系根本攞唔返旧骨出嚟，一咬已经食埋！呢种连骨都煲到可以食嘅状态，我响韩国食都未遇过～ 呢个汤好正！🍴半半炸鸡 (有骨) ($238)食
回头指数 ⭐️⭐️⭐️⭐️
开心指数🤗🤗🤗🤗
朋友想食韩式炸鸡，我哋去咗最多韩国餐厅嘅金巴利道揾食，行咗一阵都未谂到食边间，就继续行，行到去比较细嘅金巴利街，见到呢间舖面系黑色金色嘅韩国餐厅好吸引眼球，望完 menu 感觉唔错，就入去试吓！
朋友要食炸鸡，就一定会叫，就由佢发板，我自己觉得呢几日，夜晚都冻冻哋，想饮个暖笠笠嘅汤，就叫咗个参鸡汤。🍴参鸡汤（$158）
其实仲有其他汤拣嘅... 例如豆腐汤、泡菜汤、牛肉大酱汤，但睇开我社交平台嘅人都知，我都会煮D 韩国嘢食，呢类嘅汤我都煮到，就梗系拣我唔识整嘅参鸡汤啦～
个汤先上，非常热辣辣，汤底有种黏黏嘅胶质感，用筷子一夹，直接骨肉分离。先试咗个汤，饮落去口感比较厚身，有种浓郁嘅感觉，但个味唔会调得好咸（或者可能佢根本冇再落调味），就系似鸡汤原味直出，比起用调味搭够嘅，真材实料好多！鸡肉非常嫩滑，连鸡胸肉都唔会嚡，最劲嘅系，佢连鸡骨都煲到软化咗，即系除咗比较大嘅鸡骨外，其他系可以食埋！最靓笑系，我食鸡翼位，系根本攞唔返旧骨出嚟，一咬已经食埋！呢种连骨都煲到可以食嘅状态，我响韩国食都未遇过～ 呢个汤好正！
参鸡汤
$158
0 浏览
0 赞好
0 留言
🍴半半炸鸡 (有骨) ($238)食炸鸡我自己比较钟意食有骨，虽然会麻烦D，但会好味D。个参鸡汤差唔多食完，个炸鸡就嚟，时间啱啱好！今次拣咗紫菜脆脆炸鸡，同埋青阳辣椒 Mayo炸鸡，炸鸡份量足，先试紫菜脆脆炸鸡，我暂时未响其他店食过呢只味，上面有几块炸脆咗嘅紫菜，好香口，我拣咗食放响面嘅鸡翼，一咬落去，鸡翼面嘅味料同紫菜碎跌到一台都系😂 个皮炸得够香脆，鸡肉够滑（咁鸡翼系好难唔滑嘅），好惹味，正！食完餐饭会见到台面系 tasty 式摎挍，因为一台都系碎，但系会好开心！跟住试青阳辣椒 Mayo炸鸡，mayonnaise 本身已经好邪恶，混入咗青阳辣椒嘅mayonnaise 辣得好过瘾，系魔鬼级嘅诱惑，不过，如果你系唔食得辣嘅，就唔好拣呢款，因为算系几辣嘅～ 呢款拣咗鸡胸肉食，鸡肉好juicy 嫩滑，亦都好入味，掂👍
半半炸鸡 (有骨)
$238
0 浏览
0 赞好
0 留言
因为食炸鸡点都想饮冻嘢，我又唔系啤酒人，而对于罐装汽水同韩式忌廉鲜奶呢类缺乏兴趣，就试吓佢嘅 ade series～🍴梅子梳打（$28）🍴西柚梳打（$28）
两款梳打都几好饮，虽然冇原粒嘅梅子或者新鲜西柚响入面，不过味道够浓，唔会淡茂茂，配炸鸡真系一流！
埋单嘅时候，觉得𠮶个系似老板嘅韩国人，我忍唔住问佢个参鸡汤煲咗几耐，点解可以煲到连鸡骨都溶化咗？🤔老板系一口流利英语，话个汤系煲咗6个钟以上，同埋用咗一个传统做法（当然冇话我知），所以鸡肉好易离骨，同埋佢哋见到有太大嘅骨都会攞走咗，呢种秘方可能就系佢哋独有呱～成餐饭食得好满足又开心，所以大家去韩国街揾食，都可以试吓行去偏离大街嘅小街入面，可能会有惊喜！
张贴
