達人烤肉 (已結業)

作为食肉兽既我，所谓既“韩烧”食过好多次，不过都系D腌肉，质素唔高，为求百零蚊填饱个肚。而今日经朋友推介，就一行六人去左呢间由韩国人主理既正宗韩烧。 入到铺第一印象系好新净同无油烟味，每个烧炉上既独立抽风做得唔错。另一个抵赞point系餐厅座位都系中空既，可以打开放低个人物品，完全避免油弹同吸味。落order后，就有个韩国女仔专门serve我地。由准备配菜(食完可以refill)，其后烧烤，切肉，讲解调味配撘都系佢负责。配菜当中我最钟意炉边既芝士粟米"右下果款"，非常香浓(一开始d芝士未溶之前我以为系碎蛋)肉类试左好几款，虽然个人钟意食牛多过猪，不过今日总括黎讲，个人认为猪好食过牛。我推介以下三款：竹筒五花腩，个韩国女仔staff边切边话每件最好厚8mm,肉质弹牙之余肉同脂肪比例好好。秘制牛仔骨(已切)，牛味重，充满肉汁。香辣芝士猪排，呢个唔洗自己烧，整好哂先上枱。韩式香辣味唔刺激，加埋芝士味道好丰富，满足哂我对芝士既欲望！(餐厅仲贴心提供埋胶手套)依家新铺开张做紧优惠：八折同免费饮品一杯，不过唔知做到几时。最后埋单每人百六蚊，以今日既质素黎讲都物有所值！