南대門

营业中

休息中

好耐無食韓式燒肉喇, 早兩日特登去韓國街嘅 ❥⧽南대門 ❥⧽食燒肉。我覺得 Lunch 食燒肉可以多d 時間消化, 減少罪疚感。餐廳似韓國地道燒肉店, 好有風味。𓊈豬肉拼盤 $𝟺𝟹𝟶𓊉豬肉拼盤有五花肉, 護心肉, 豬頸肉同醬醃薄切五花腩, 仲包咗一個泡菜湯或大醬湯。我地揀咗泡菜湯, 味道好濃, 好暖胃, 不過越飲會越辣。薄切五花腩有好多塊, 入口即溶好好味。護心肉同豬頸肉嘅肉質都偏結實有嚼勁。五花肉充滿油脂香氣, 肉質軟腍。𓊈拌冷麵 $𝟿𝟶𓊉拌冷麵有一塊牛肉片, 半隻蛋同青瓜, 味道偏辣, 如果將冷麵連埋d 梨絲一齊食就可以解辣, 亦會帶起鮮甜, 好好味呀!𓊈Hite 啤酒 $𝟻𝟶𓊉食燒肉真係無辦法唔飲啤酒, Hite 幾易入口, 唔算太濃麥味。𓊈前菜𓊉前菜有泡菜, 芽菜, 白蘿蔔同韓國腸仔, 全部都好味呀, 可以 refill 真係好重要。