秋子島

营业中

休息中

今晚想食啲少少辣嘅嘢，于是我就谂住过嚟试吓！见呢间舖头都系呢条街，有一段时间依然屹立不倒,相信食物质素各方面都应该唔错!一入到去舖头入面，就听到楼面同厨房嘅人都系韩国人，佢哋都系用韩文沟通，所以我心谂一定系正宗韩国菜😚！我哋叫咗两个Set,一个系辣豆腐海鲜汤配饭,另一个系饭卷配炒粉丝！我觉得八豆腐汤味道都唔错，而且亦唔系太辣，不过可能海鲜嘅关系感觉有少少腥！炒粉丝我觉得味道偏淡，唔系太够味，所以感觉一般般！舖头入面唔系太大，位亦唔太多，好多人都可能选择外卖，但食物种类唔太多，但所有食物都系韩国人主理，感觉比较正宗，如果未试过嘅都不妨一试，而且价钱亦唔算贵！😉