Dodam Chicken (利舞臺廣場)

营业中

休息中

谂起两年前同朋友去韩国旅行，食完晚饭再去食炸鸡做宵夜，一啖炸鸡一啖冰冻啤酒，真系好开心而家无得去旅行，但其实香港都有好多好味嘅韩国炸鸡食位于利舞台广场嘅Dodam Chicken，已经帮衬过几次。餐牌上有好多款口味嘅炸鸡选择，除咗炸鸡同烤鸡之外，仲有鸡蛋卷，芝士猪肋骨同年糕拉面等等。全份蜂蜜牛油脆鸡份量都几多，大概有八件。炸鸡外层酥脆，炸粉唔会太厚，表面沾满咗蜂蜜味酱汁，食落甜甜地好好味。炸鸡唔会炸得太干身，鸡肉嫩滑而且咬开入面仲有肉汁餐厅有提供胶手套，食炸鸡一定要用手食先够滋味另一款香蒜豉油脆鸡，酱汁比较深色，本身以为会好咸好重口味，但原来豉油系偏甜，有豉油香得嚟唔会太咸，而蒜味都好突出，食落非常惹味，配埋冰冻啤酒一流总括嚟讲炸鸡质素高，价钱合理。而餐牌上有好多选择，下次会再嚟试下其他菜式。