影片
更多
2016-03-04
422 浏览
韩国美食近年大行其道，当中「韩式炸鸡配啤酒」更系好多人嘅挚爱。不过除咗炸鸡之外，烤鸡亦都开始备受追捧。用烤嘅方式取代传统油炸，油腻感大减之余，又相对无咁热气，令人有本钱食多几件！The Hwaduk 喺韩国只系开咗三年，但已经有超过30间分店，实力绝对不容忽视。上年去韩国旅行时都有帮衬过，食完觉得唔错，都有推介俾即将去韩国旅行嘅朋友，等佢哋都可以揾机会去试吓。当我知道餐厅喺香港开咗海外第一间分店时，当然要嚟支持吓。餐厅设计同韩国本店差唔多，装潢简约，环境宽敞，加上长播k pop，令你好似置身韩国本店咁。店内提供几款烤鸡嘅口味，我本身钟意食辣，所以拣咗BBQ味。烤鸡用上一只鸡嘅分量，鸡只本身脂肪少，肉味浓，而且不经油炸，唔会一咬落去就成口油。BBQ汁甜中带辣，十分惹味。另外，值得一赞嘅就系鸡胸同埋鸡髀肉都唔会嚡口，烤嘅时间掌握得几好。餐枱上所摆嘅餐具并唔系一般嘅刀叉组合，反而系一个夹仔配叉嘅组合。我个人都几钟意用夹仔，因为比较灵活。食烤鸡又点少得最佳拍档 - 啤酒！有去过韩国嘅朋友相信或多或少都曾经帮衬过小摊档所卖嘅鱼糕汤。企喺街边笃几串，就好似我哋喺香港街边笃串鱼蛋一样咁平常。当鱼糕锅
The Hwaduk 喺韩国只系开咗三年，但已经有超过30间分店，实力绝对不容忽视。上年去韩国旅行时都有帮衬过，食完觉得唔错，都有推介俾即将去韩国旅行嘅朋友，等佢哋都可以揾机会去试吓。当我知道餐厅喺香港开咗海外第一间分店时，当然要嚟支持吓。
餐厅设计同韩国本店差唔多，装潢简约，环境宽敞，加上长播k pop，令你好似置身韩国本店咁。
店内提供几款烤鸡嘅口味，我本身钟意食辣，所以拣咗BBQ味。
烤鸡用上一只鸡嘅分量，鸡只本身脂肪少，肉味浓，而且不经油炸，唔会一咬落去就成口油。BBQ汁甜中带辣，十分惹味。另外，值得一赞嘅就系鸡胸同埋鸡髀肉都唔会嚡口，烤嘅时间掌握得几好。
餐枱上所摆嘅餐具并唔系一般嘅刀叉组合，反而系一个夹仔配叉嘅组合。我个人都几钟意用夹仔，因为比较灵活。
食烤鸡又点少得最佳拍档 - 啤酒！
有去过韩国嘅朋友相信或多或少都曾经帮衬过小摊档所卖嘅鱼糕汤。企喺街边笃几串，就好似我哋喺香港街边笃串鱼蛋一样咁平常。当鱼糕锅上枱时，同朋友不禁互望一下，因为我哋都觉得份量咁多，究竟食唔食得晒呢？
呢个鱼糕同鱼捧系厚切兼放大版，几乎同个锅嘅直径一样长。老板娘好好，等我哋影晒相后，主动帮我哋剪开成条状，方便进食。
鱼糕锅基本上盛满唔同款式嘅鱼糕，大约有5-6款。鱼糕鱼肉味浓，都几弹牙。另外，汤底用上白萝卜，好鲜甜。
呢款鱼糕内酿咗米粉，带点微辣。除咗呢款之外，其他都系冇馅嘅。小结：餐厅虽然选址高级食厦，但收费都算亲民，而且份量都几大，建议约埋多啲朋友嚟，咁就可以试多几款烤鸡，最重要系唔限时，一班朋友想坐耐啲倾吓偈都可以。
张贴
