The Hwaduk (已結業)

今日同朋友想試下新野，見到呢間咁多好評，決定試下呢間！入到去同侍應講”兩位”，但是佢聽唔明，原來係韓國人！原本安排坐係店中間，但無幾耐有四人枱走，問我地搬唔搬過去，好貼心！閒日八點幾都仲有咁多人食。打開餐牌樣樣都想食，心大心細最後揀左個八瓜魚拼盤！一黎到勁大盤！有六至八件烤雞，一推薯角，八爪魚🐙啲so，同三粒飯團！舊八爪魚大過我地個拳頭！正當我地望緊碟野諗緊食唔食得哂，侍應已經等緊幫我地剪開啲so! 好貼心呀！啲雞烤得好味，唔會太油，雞肉唔算鞋，份量夠多！薯角應該啱啱炸起，食落外脆內熱，八爪魚煙煙un un 夠咬口！最特別係有五種汁可以點，茄汁唔太酸酸薯角最穩當。有一個似照燒醬可以點雞，但我自己鐘意食無醬既，已經好好味！仲有酸甜醬同蜜糖芥末醬，可以點雞或者八爪魚都好夾！留意酸甜醬有啲辣，哈估佢唔到！好惹味！叫左一杯野味，iced fruit tea 呢個就正常！兩個人一路食一路傾到要收鋪但職員都無趕我走服務貼心，食物好吃，環境舒服。