Dodam Chicken (利舞臺廣場)

营业中

休息中

韩国菜系有种魔力，会令人每隔一段时间就心思思想食。呢间韩国菜系我最钟意嘅其中一间，价钱实惠得来又好食。好剩返铜锣湾呢间，所以今次又心郁郁想食韩国菜嘅时候，专登走过嚟铜锣湾食返呢间我最爱嘅韩国餐厅。呢度嘅餐牌有好多选择，除咗有炸鸡之外，仲有健康嘅烤鸡选择。但系今日就冇理到咁多，因为中午𠮶餐食得好难食，所以决定夜晚就要随心所欲咁样嗌返啲自己钟意食嘅邪恶食物，补偿返受创嘅心灵。首先嚟嘅系黑松露卡邦尼炒年糕，呢碟系我其中一碟成日会挂住嘅菜式。黑松露嘅香配上浓郁嘅卡邦尼酱汁，再配埋意粉或者年糕，两者配搭得天衣无缝。跟住再嚟嘅系双重芝士面包辣烤鸡，鸡一啲都唔辣，反而有啲酸香，整体嚟讲我觉得比平时食嘅甜辣炸鸡更加唔辣。呢样嘢可能系因为有芝士中和咗啲辣味酱汁，所以一啖咬落去芝士嘅香味盖过咗啲辣度，令到成个配搭更加惹味香口。牛排骨汤一上枱嘅时候泡泡中咕噜咕噜咁样煲紧出嚟，热辣辣嘅汤无论系冬天定系夏天饮都会令人深感温暖。汤入边仲有好多旧牛仔骨，肉质香而且切得好厚，有汤饮又有肉食，仲有粉丝，一次过满足晒几个愿望。而且呢度有好多卡位最钟意同朋友有私人空间倾吓偈食个饭。