韓脈 (帝國中心)

营业中

休息中

耐唔耐就会想食番餐正宗韩国菜，预先book了在帝国中心的韩脉，最挂住就系佢哋嘅酱油蟹，念起都流口水🤤啊！餐前小食呢间真心正，健康小食有鹌鹑鸡、泡菜、酸白萝卜、腌制萝卜、云耳、千岛酱沙律，碟碟都开胃美味。期待己久嘅酱油蟹出场啦，蟹🦀酱油腌制入味，蟹膏甘香鲜甜，蟹肉质滑嫩，配埋紫菜饭就是完美啦。牛肉炒粉丝，材料有主要的牛肉外，还配有红萝卜🥕、洋葱🧅同冬菇、红、绿青椒，粉丝炒得湿润而不干身，烟韧滑滑的，很不错啊😊。宫廷炖牛肋骨，牛肋肉炆煮得净身，带些筋位同肥肉，充满牛脂油香味，内有己入晒味的红、白萝卜。饮番杯冰冻啤酒🍻，开心愉快又一晚啰。