南대門3號

营业中

休息中

同朋友行下尖沙咀，行到附近入咗韩国街，想食下韩国嘢！见到其中一间小店，有韩国人店员，价钱又亲民，二话不说就坐低！小店分两边，一边韩烧，另一边食韩国料理。下午茶lunch time关系，拣咗几样嘢。写低想食咩落张纸仔度，店员就会帮你落单。//海鲜煎饼//非常足料大份，两个人仔食唔晒。煎饼好薄身，师傅将佢剪到好香脆，另外有少少芝麻，所以更加香口。如果钟意食辣嘅朋友可以试吓泡菜味应该相信更加好食。//海鲜豆腐锅//天气冻，就更加想食锅，上枱嘅时候热辣辣，个人都即刻暖啲。入边嘅海鲜好足料有虾蚬，但系我最钟意嘅都系件豆腐！香浓嘅豆腐味，加上奶奶地嘅泡菜，就好似食咗个小型嘅边炉咁！同朋友讲笑，食斋嘅话，泡菜同豆腐一定系首选，绝对系减肥恩物。//饭卷//叫得韩国嘢，一定会食饭卷！初初谂住两个人一定食得晒，点知牛肉饭卷都系大大碟。入边有青瓜 黄瓜 红萝卜 鸡蛋同埋肠仔，紫菜带有麻油香，味道非常劲似屋企自家整☺️。两个人食到饱饱，埋单都唔使$350元，呢个价钱食到韩国嘢，都算系几抵。