Goobne Chicken (荃新天地)

营业中

休息中

Happy Friday 啦！星期五放工，三两知己，最好揾个地方食餐饭吹水。来到荃湾，去到呢间Goobne， 谂住食韩国嘢。等咗一阵就有位啦，按掣就点菜。先叫咗个韩式鸡蛋卷，再叫BBQ酱烧猪肋骨，饮番个柚子蜜鸡尾酒，当然要叫重点三重芝士炸鸡。三重芝士烤鸡，加上车打忌廉蓝纹芝士，食落非常之香，鸡肉非常之嫩，层皮极度香口，呢个食鸡配搭真系好新鲜又好味。韩式鸡蛋卷，有黄瓜、腌红萝卜、餐肉、海苔同芝士，有啲似加州卷但系蛋好有层次，点埋茄酱蛋黄酱，入口味道一流，无饭好味加州卷。BBQ酱烧猪肋骨，猪肋骨入口即溶，配上辣辣哋嘅烧烤酱，肉非常薄所以好”林”，加上薯条，厚厚个芝士底，真系好丰富。柚子蜜鸡尾酒，大家一齐吹水饮酒，甜甜地酒精又唔多，非常之正。