影片
更多
2022-07-02
35 浏览
丫女终于考完试, 今晚为慰劳大家, 同埋其他同学仔妈咪去咗位于登龙街楼上舖---韩牛牧场, 120分钟任饮任食烧肉放题。餐厅环境开扬, 装修朴素, 设有自助区, 提供冷盘、沙律、三款熟食, 而饮品主要为罐装汽水, 啤酒就要额外加钱。所有烤物Scan QR code落单, 而头round刺身、海鲜、安格斯牛肉盛合由餐厅安排先上台。呢间餐厅烤炉都选用韩式光波烧烤炉, 烤炉360°自动旋转功能, 食物均匀受热光波三重加热, 锁住肉汁, 唔洗落油又唔会痴底, 最紧要令食客食得健康。海鲜由冷垫底上台, 为增加海鲜味, 带子、青口加咗牛油调味, 扇贝就加咗蒜蓉。4款牛都没被腌制调味, 务求令人食到原本味道。肉类方面有猪、牛、鸡, 部分都有调味, 提升味道。其中牛舌有dd厚度, 烤后入口几有嚼劲。首轮刺身并盘款式比较多, 嫌三文鱼缺乏鱼油香, 质素一般, 而且唔系款款刺身可以encore任食, 最讨我欢心都系较爽嘅马刀贝。串烧我地就试咗鸡皮同埋鸡肾, 鸡肾好爽, 但呢个炉就烤唔到平时明火烧烤烤出香脆口感。海虾虽然唔系肥美, 不过有得任食都好满足。酱油虾相对大只少少, 肉质几爽, 酱油味偏淡。金菇同埋
餐厅环境开扬, 装修朴素,
设有自助区, 提供冷盘、沙律、三款熟食, 而饮品主要为罐装汽水, 啤酒就要额外加钱。所有烤物Scan QR code落单, 而头round刺身、海鲜、安格斯牛肉盛合由餐厅安排先上台。
呢间餐厅烤炉都选用韩式光波烧烤炉, 烤炉360°自动旋转功能, 食物均匀受热光波三重加热, 锁住肉汁, 唔洗落油又唔会痴底, 最紧要令食客食得健康。
海鲜由冷垫底上台, 为增加海鲜味, 带子、青口加咗牛油调味, 扇贝就加咗蒜蓉。
4款牛都没被腌制调味, 务求令人食到原本味道。
肉类方面有猪、牛、鸡, 部分都有调味, 提升味道。其中牛舌有dd厚度, 烤后入口几有嚼劲。
首轮刺身并盘款式比较多, 嫌三文鱼缺乏鱼油香, 质素一般, 而且唔系款款刺身可以encore任食, 最讨我欢心都系较爽嘅马刀贝。
串烧我地就试咗鸡皮同埋鸡肾, 鸡肾好爽, 但呢个炉就烤唔到平时明火烧烤烤出香脆口感。
海虾虽然唔系肥美, 不过有得任食都好满足。
酱油虾相对大只少少, 肉质几爽, 酱油味偏淡。
金菇同埋带子都有钖纸器皿, 再加咗牛油调味, 直接放上炉烤。
熟食炸物方面较有惊喜, 香脆而不油, 特别系椰汁炸丸子, 外层松脆, 流心有如椰汁西米露浆流出, 很有椰香, 甜甜地, yummy~
甜品就有韩式雪条任食。
张贴
