TATA KSR 韓式。燒烤 (已結業)

经过呢间小店，见到佢门口有句野系话如果犹豫紧食唔食好，就入去试下，可能就会岩自己既味道! 所以同朋友就入去食下啦! 佢D set 都几抵，一人餐有小食同埋饮品。一开始店员就会提供泡菜同埋小食，今次因为原有小食冇货，所以换左个蛋卷比我地。入面仲有粟米同芝士，都几足料架! 感觉上D蛋加左牛奶，因为食落好滑。主食我地叫左炸酱面同埋泡菜炒饭。炸酱面个面底好弹牙，系扁身既面，炸酱都比得好足，入面仲有好多料。泡菜炒饭入面仲有D猪肉粒，个饭都好够味，辣辣地，我地都一口接一口咁食! 晚餐黎讲，性价比真系几高架，大家都快D支持下呢类小店啦!