狎鷗亭居酒屋

营业中

休息中

居酒屋成日去，韩式嘅都系第一次☝️ 呢间喺香港开咗好多年，由韩国人主理，用英文沟通，食物款式众多，而装潢设计风格颇有特色，榻榻米座位，古旧图画，适合同朋友仔嚟小聚一下。前菜有六款，可以无限任添，有泡菜、菠菜、芽菜、甜鱼仔、茄子同薯仔沙律。个人喜欢后三者，超级开胃，完全停唔到口，等紧菜上嘅期间已经Refill咗几次，未开始食已经饱咗一半哈哈。店员推介生拌牛肉，据说系招牌菜。自问肠胃唔好，其实有少少怕，好在食完都无事。牛肉入口即化，超级嫩滑，调味适中，伴上梨丝同蛋黄，真系几好味，绝对值得一试。香葱炸鸡好大份，鸡翼、鸡锤、鸡胸样样有齐，外层炸至金黄酥脆，唔油腻，够干身，咬落脆卜卜，咔咔声、肉质有嫩有嚡，正常发挥。值得一赞嘅系个酱汁，咸甜度啱啱好一定要点住食😆牛筋汤上枱时热辣辣，汤底清甜，建议落盐，牛筋份量比想像中多，口感偏软嫩，骨胶原十足。饮品方面叫咗杯Highball，酒精度唔高，冻冰冰咁解渴又解热，下次试埋其他款式。