Terrace in seaside (AIRSIDE)

营业中

休息中

Airside真系好多好餐厅呀今次食嘅呢间韩式餐厅非常出名佢哋嘅饭卷同窝夫非常出色其他韩式料理都好高质佢仲系pet friendly嘅餐厅可以带埋d宠物嚟chill 吓🔸烧酱油黑毛猪白切肉紫苏拌饭 $138黑毛猪白切肉嘅脂肪比例啱啱好，口感软腍，完全冇猪腥味。拌饭加咗紫苏叶落去，所以食落有紫苏叶嘅香味。🔸啖啖蟹肉千层面 $128千层面嘅外观金黄，非常吸睛。蟹肉嘅份量好多，配埋拉丝芝士同埋三文鱼籽，真系超邪恶。千层面焗完后口感滑溜弹牙，同蟹肉、芝士等等嘅配料好夹。🔸100%泡泡朱古力 $45饮落朱古力味非常香浓，喺面仲铺上可可粉同埋朱古力碎，绝对系钟意朱古力控嘅必点饮品。🔸带点惊喜的香印提子奶盖绿茶 $58饮落感觉非常清新，提子味香浓，同绿茶嘅味道好夹。🔸值得一提芬芳提子窝夫 $108呢个系餐厅嘅招牌窝夫，喺窝夫上铺满香印提子同埋巨峰提子，仲有提子味啫喱，网络相当丰富。窝夫口感外脆内软，蛋味香浓，连埋铺喺面嘅提子一齐食非常惹味。