韓脈 (帝國中心)

营业中

休息中

📍尖沙咀 Han Mat话说好耐冇食过韩国嘢，今日心血来潮，突然间好想食，于是就嚟到呢一间位于尖东嘅正宗韩国餐厅，佢系韩国人主理，连厨师都系韩国人，包保味道系最正宗。今日最主要就系食烤肉，试吓佢韩国传统烤肉系点💙。酱油蟹 $250呢款酱油蟹真系好正呀！蟹身肥满，鲜味十足。佢个酱油汁好香浓，入口滋味好浓郁，真系令人回味无穷。蟹肉鲜嫩多汁，真系一绝！味道真系值得。下次再食饭一定会再点呢款酱油蟹！特级牛肋骨 $275佢呢一个牛肋骨非常之大份，系成卷感想，而且叫烤肉店员会好贴心咁帮忙煮埋同切埋，完全系等食mode on!😽肉质方面唔算好腍，但系就好重肉味，而且都几有咬口。酱油鸡 $130酱油鸡系比较有惊喜嘅一道菜，调味调得非常好，而且烤完之后肉质都依然好嫩滑，加埋韩式酱汁同配菜，好有韩国嘅感觉啊！🐥牛胸肉大酱汤 $98食韩国嘢梗系要饮佢嘅石锅汤🙂‍↔️，今次就叫咗佢嘅牛胸肉大酱汤，其实大酱嘅味道同面豉差不多，咸咸地之余又好有肉味，成个配搭非常之唔错，加埋唔同嘅葱段同豆腐，饮完之后已经饱咗一半。