影片
更多
2015-09-13
2353 浏览
一直都好喜欢食韩式炸鸡既我想黎呢间餐厅试好耐架啦，但系知道呢到电话订座比较困难，所以决定傍晚5点几黎碰下运气。5点10到黎到，餐厅已经唔系好多位净啦。坐低后我地首先叫左2杯野饮: 1杯Blue Orangeade同埋1 杯Somersby Apple cider Rita。Somersby Apple cider Rita 应该系呢到既招牌饮品，因为见到几乎每台都有人叫。呢杯特饮只系卖相已经够吸引，有型到平时好少饮有酒精既饮品既我都要叫黎试下同影下相。呢个特饮底层有D类似梳打水+柠檬沙冰咁，再插入一枝原装既APPLE CIDER，酸酸甜甜咁，酒味很轻，大大杯，1个人未必饮得晒，用黎送炸鸡都几解渴同下火。至于Blue Orangeade，呢杯系一杯蓝色状既沙冰，似系浓缩橙汁，但同时带有少少柠檬味，用黎送炸鸡既感觉简直一流。海鲜锅巴汤: 海鲜汤系微辣既，里面有大量青口，虾，杂菌同菜，相当丰富。锅巴睇落有少少似童年时食既暴暴饭焦咁，但浸左系汤到一段时间后都变腍了。如果可以用碟另上就会更加好啦。香酥烤鸡: 落单果时都唔知原来一份鸡系咁大份，上菜时见到有成十几件真系有少少震惊，2个女仔食真系净低
5点10到黎到，餐厅已经唔系好多位净啦。坐低后我地首先叫左2杯野饮: 1杯Blue Orangeade同埋1 杯Somersby Apple cider Rita。
Somersby Apple cider Rita 应该系呢到既招牌饮品，因为见到几乎每台都有人叫。呢杯特饮只系卖相已经够吸引，有型到平时好少饮有酒精既饮品既我都要叫黎试下同影下相。呢个特饮底层有D类似梳打水+柠檬沙冰咁，再插入一枝原装既APPLE CIDER，酸酸甜甜咁，酒味很轻，大大杯，1个人未必饮得晒，用黎送炸鸡都几解渴同下火。
至于Blue Orangeade，呢杯系一杯蓝色状既沙冰，似系浓缩橙汁，但同时带有少少柠檬味，用黎送炸鸡既感觉简直一流。
海鲜锅巴汤: 海鲜汤系微辣既，里面有大量青口，虾，杂菌同菜，相当丰富。锅巴睇落有少少似童年时食既暴暴饭焦咁，但浸左系汤到一段时间后都变腍了。如果可以用碟另上就会更加好啦。
香酥烤鸡: 落单果时都唔知原来一份鸡系咁大份，上菜时见到有成十几件真系有少少震惊，2个女仔食真系净低好多食唔晒。呢个烤鸡系用焗既方法，所以唔会太油，鸡肉亦都好嫩滑同香口，里面都几JUICY，除左配上腌萝卜，仲配上辣同唔辣既酱汁各一。值得一赞既系餐桌上有食用夹， 叉同骨筒，非常方便食客，唯一唔好既就系餐桌唔够大，放左食物同饮品之后空间比较少。
张贴
