NENE CHICKEN (朗豪坊)

营业中

休息中

一试韩国艺人代言既炸鸡，一入到就听到韩国pop music，夜晚6点半左右食，已经好多客人，之后愈黎愈多坐满。枱上已经有2款泡菜，贴心俾埋水。叫左招牌炸鸡(有骨$150)，迷利鸡蛋卷(泡菜$78)，明洞派对小食($138)。有骨炸鸡可以边食边啃骨，有风味d。有超过12件鸡，份量系超多，食极都仲有咁。炸鸡超脆and香，炸完唔会干，仍然有肉汁，而且炸皮唔会同鸡肉分离。配以蜜糖芥末，就甜甜地唔错。佢同平时炸鸡既不同之处系，冇咁油，而且脆身，唔会皮肉甩出黎。鸡蛋卷厚身，包住泡菜，午餐肉，芝士，面头上有大量蟹籽。少少拉丝，尼款泡菜唔辣，蛋卷够厚好浓蛋香。易夹起。有个铲for你自己将蛋卷切件。派对小食可以试唔同款既韩国街头食物，唔驶单叫某种。小食包括2串各款鱼糕，炸韩国寿司，炸粉丝卷，炸年糕，辣汤年糕炒杂菜。其中寿司馅料丰富，而且炸完唔觉油腻。炸年糕食落口有少少芝士咁。鱼糕串大约有5款鱼糕，试到唔多款。想食小食既朋友，menu仲有另一款韩国小食盘，可以拣。整体，坐得舒服，环境大，而且边听音乐边食饭，好relax。