漢拏山烤肉 (已結業)

坐卡位食韩式午餐，有饭、汤、沙律、三款前菜同蒸蛋，价钱同楼下橙色快餐店差唔多，点咗韩风牛肉蛋包饭、泡菜猪肉配饭同烧鲭鱼配饭。三个人些牙嚟食，最后各自捧住个肚出门口。泡菜猪肉最惹味，少辣，猪肉唔系瘦肉片，而系带些少肥膏的猪肉，捞饭食一流。鲭鱼颇厚身，冇烧到变鱼干，除咗加柠檬汁嚟食，强烈建议沾泡菜猪肉汁食仲正，辣味可打走鲭鱼的重油脂。若然怕食到鱼腥味，呢个餐就可能唔啱你。三个餐中最平的牛肉蛋包饭，味道随和讨好，牛肉嫩口兼量多，滑蛋靓仔，喺有啲蛋汁凝固咗，如果可以做到煮起后即送上枱，咁就 100分喇。三款前菜中最喜欢冻茄子，碟泡菜就完全输畀泡菜猪肉。埋单后先知不设加一，下次会嚟试烧烤午餐。