JK Brother's (已搬遷) 新店位置

观塘工厦多美食已经唔系新鲜事，但韩国餐厅真系第一次。一入到去环境舒适地方够大。墙上贴满大大小小推介既特色食物。但装修就较普通，但依然有唔少既客人光顾。另外仲有露天位置，钟意户外嘅朋友就啱晒。韩国黎讲，最特别既都系无左条抽油烟管。但油烟味都唔太大，因为店员会将煮炸油烟既食物系远处处理好先再上枱，值得称赞。系餐牌方面，都花左唔少心机，对每件食品都作详尽既介绍。首先叫咗一杯特大饮品，森巴皇后！菠萝加柠檬特饮。芝味炸弹，用烟肉包住蛋，而蛋内包住芝士，食落去烟肉既香味加埋芝士同滑蛋真系超级夹超级香！而芝士年糕相信大家都唔陌生，口感烟烟韧韧不过食得多就会有少少'流'蜜糖牛油无骨炸鸡，味道系唔错的，但系用蜜糖炸过嘅鸡皮，会有少少似牙，可能老人家就唔系太适合。最后就用一个部队锅黎做总结。相信大家对部队锅依一个名词已经唔陌生。部队锅配菜分别有辛辣面，韩国年糕，韩国午餐肉，韩国泡菜等等。不过建议大家如果二人行的话，可以先考虑一下食量，量力而为唔好浪费食物。因为每样既分量都唔少 大家不妨试一下。